Kei tetahi wharekura i te papakainga o Baile Beag, i tetahi hapori korero Airihi i te whaitua o Tonekara i te pito o te marama o Akuhata, i te tau 1833, nga mahi o te whakaari nei. E hopuni mai ana i tetahi parae tutata tetahi wahanga o te Kahui Kaipukaha a te Kingi katahi ano ka tae mai, a, ko ta ratou mahi he whakaoti i te ruritanga whanui tuatahi. I te mahi hanga mahere whenua, i tuhia nga ingoa wahi Airihi ki te reo Ingarihi. E whakaatu mai ana a Brian Friel i te panga o te mahi whakahaere noa iho nei ki te ahurea me te tangata i roto i tana titiro ki te panga o tenei mahi ki te ao o tetahi hunga iti. E whakanui ana ia i nga tuakiri me nga whanaungatanga i waenganui i taua hunga me te whakatakoto tahi i te korero whakaara whakaaro mo te hitori mo te Airihi me te Ingarihi.
